De 54e jeugdprins van de Zölderratte is Levi Beckers. Es jeugdprins Levi I geit d'r regere mèt ziene liefsjpreuk:

              Es der maar aete is!

Levi I is eine echte Azeraose jong. Gebaore en getaoge op het Maolbrook es aajste kiendj van Grootvors/AAP Ronald en Mylène Beckers, broor van aad Nachrätjes prins Roan en huidige prinses van de Nachrätjes Nika I.
Twee keer feest dit sezoen in hoeze Beckers. Hae wit wie het sjpel gesjpeeld wird, in 2016 waas Levi al ins prins van de Nächratjes.

Levi is 16 jaor en zit in zien examenjaor van BC Broekhin. Hae wirk es vakkevuller biej de Albert Heijn. In ziene vrieje tied voetbalt hae in het tweede elftal van RKAVC es linksback en is der jeugdleider van de JO-13.
Hae ried gaer op de tractor en chillt regelmatig mit zien vrunj. De miense die hem kinne zalle wel begriepe wo ziene spreuk: “Es der maar aete is” vanaaf kump. Al van kleins af aan haet hae eine neet te stille honger, en is hae vaste restjes aeter biej menig Azeraos gezin.

Es adjudanten haet Levi gekaoze veur 3 men wo der al van kleins af aan bevrunjd mit is, namelijk Sem Piepers, Raf Piepers en Lars Verheesen.

Sem Piepers: Aad Nachrätjes prins (2015) en Aad Zölderratte prins (2023) Sem is de aajste zoon van AAP Stefan Piepers en Kim van Rooijen.
Hae speelt in het eerste elftal van RKAVC, zit in zien examenjaor van de Havo en wirk biej de Albert Heijn es vakkevuller. Sinds der zien riejbewies haet is der auch perseunlijk taxichauffeur van Prins Levi I.

Raf Piepers: Aad Nachrätjes prins van het jaor 2018 Raf is de jongste zoon van AAP Stefan Piepers en Kim van Rooijen en het breurke van adjudant Sem.
Hae is de keeper van de JO-16 en vaste reserve keeper van het eerste elftal van RKAVC. Raf zit in 4 Havo op BC Broekhin, en wirk biej de Albert Heijn es vakkevuller.

Lars Verheesen: Aad Nachrätjesprins (2019) en Vors van de Zölderratte Lars is de zoon van AAP Rik Verheesen en Karin Verheesen-Tichem.
Zien zusje Mea is aad prinses en dit jaor adjudant biej de Nachrätjes. Lars voetbalt als mid-mid biej RKAVC in de JO-16, het eerste én tweede elftal. Auch Lars zit in de 4 Havo op BC Broekhin en auch hae wirkt biej de Albert Heijn es vakkevuller en Roncalli es verzorger.